Poesie di Ermanno Rovatti ______________________________ DÔ CÀMBRI E CUSÈINA ______________________________ A gh' è di dè, Papà, ch'a-m vìn in mèint quand t'ér che zò insàm a tótt nuèter e a stèven abasta strécch in d'un appartamèint éd dô cambri e cusèina e po'... gnìnt èter. I éren cèr i gióren ch'a té vdìva per la tô prèsia ed córrer sèimper via e mè a gh restèva mèl anch s'a savìva ch'ét gh ìv un sól pensér: la tô famìa. Adèss che t'é sparì dòp l'ultma svòlta, sèimper piò spàss té-m tóren a catèr e a vrév dmandèr al Sgnór, ch'a spér ch'a-m scólta, s'a pséssen, anch per pòch, tótt quant turnèr in chél dô cambri e cusèina d'óna vòlta dove ogni gióren a-t stèva ad aspetèr. ______________________________ A VRÉV ______________________________ A vrév éser ancàrra cuntèint cum'a-i-éra cuntèint una vòlta quand da piccol un gnint a-m bastèva per a-n psér aspetèrem de piò. A vrév éser ancàrra cuntèint come él strall chél ricàmen al zél, come l'acqua cla canta in di fòs e al silèinzi dunê da la nòt. Ma la pólvra dal tèimp la-n perdòuna e la cuacia tótt quall ch'a gh'è ed bèl, i ricòrd, él sperànzi, i sucès, l'amicézzia, l'amór, gli illusiòun. Se po' a dagh un'ucèda a l'indrê a-n vád èter che gli ámbri di gióren chi én stê bê, ma che adès i sé sbrìslen come sabia cla blésga tra i dî. E' "A vrév éser ancàrra cuntèint" égli én sól del paròli lughèdi in dla la scatla di gran desidéri cla s'è srèda e la-n s'véra mai piò. ______________________________ ISTÊ ______________________________ Un dopmezdè d'istê Cun un gran sól e chèld. Per la strèda nisùn a guastèr al silèinzi d'un mand abandunê. Él fnèstri strécchi per la gran calùra él lóghen chi a-n vól váder né sintir piò gnint. L'ámbra svuièda, che a fadìga a s'vád, la màcia i mur sèinza purtèr al frasch d 'na premavéra luntàna. E po' a riva la sìra E l'ambra la-n n'è piò 'na macia, ma un tabàr négher cal quacia al chèld e i pensér dal giòren cl'è finî. ______________________________ A SRÉV BÈL ______________________________ A gh è di dè ch'a pèins cum'a srév bèl alvères la matèina sèinza un pensér in tèsta. E sèint'r al vèint ch'al s'céffla in mèz ai èlber, apèina tint dal vérd dla premavéra. E vád'r un ragazól ch'al réd ai bès dla mama. E guardèr un vól d'usê, imberiègh ed libertê, sfrumblèr a langh al zél. E nascàndres in dl'illusiòun che la felizitê la-n finéssa mai. A srév bèl avér vóia ed zughèr come 'na vòlta, ed vlér bèin, ed fidères dal mand, e turner a sintìr d'intórna la musica di insànni ormai finî. A srév bèl, quèsi un miràcol, se quall ch'a m'è gnû ed dir a-n fóssa sól 'na fòla, fióla dla fantasìa, ma 'na brisla, alzéra come un suspìr, 'na brisla ed realtê. ______________________________ A-I-HO MÉSS IN FÁSSA I SCUR ______________________________ A-i-ho méss in fássa i scur dla vétta mia e dal sipàri d'òrba intórna a mè calê è gnû fóra i fantèsma ed 'na stagiòun luntana ad arcurdèrem quall cl'è ormai pasê. I amìgh 'd 'na vòlta i m'én gnû incòuntra cun la solita vóia d' alegrìa, in cumpagnia ed chi èter che adès i van a spas per i giardèin d'un mánd che nisùn sa in d'al sia. Un pòch piò in là, in un cantòun, sèinza dir gninta, a gh'éra anch qualla 'd 'na gran bèla storia ch'a-i-avìva cherdû ed mulèr sèinza rimpiant e che inveci l'è chè, inciuldèda in dla memoria. E po' i mê vèc', restê cumpagn a quand a stèven in chél "dô cambri e cusèina e po' gnint èter", ma chél sembrèven un paradis perfèt, fat apòsta ed misura per nuèter. Ma perché po' pensèr a quall ch'a-n pól turnèr? a-n srév méi i ricòrd fèri sparìr e lughères in dl'illusiòun che quèl ed bèl ed nóv, ed misteriós al pòsa ancára gnir? E cuntintères dla fragilitê d'un insánni cal svanéss come nèbia in 'na pruméssa ed sól, lasánd che la granèda magica dal tèimp la spàza via in prèsia quall cla vól. A srév come turnèr a nàser n'ètra vòlta e viver n'esistèinza ed fantasia, inutil da zerchèr. E l'è per quast ch'a-i-ho méss in fássa i scur dla vétta mia. ______________________________ AL PÓTT ______________________________ 'Na matèina d'un gióren ch' a piuvìva, mèinter a-i-éra adrê a fèrem al cafè, a m'è rivê 'na làttra cla-m furnìva in quàter righi cla nutézia chè: "Informiamo la Vostra Signorìa che ci sarà un concorso dialettale. 'Ci scrivi' dunque una 'povesìa' di sentimento e con un bel finale". Scréver del poesìi? Ma chè a sé schérza! Mo' na ciuchèda acsè l'è propria bòuna ! Mè ch'a-i-ho fat fadìga a fèr la térza e pò, ménga per dir, cun la patòuna. E non so cosa poi mi capitasse. Fu come un tarlo che mi 'rodette' dentro e dissi: «Se qualcuno mi aiutasse, potrebbe darsi che facessi centro». Sàtta da mè a gh sta una sgnurèina, piuttosto stagionata, a éser cèr, ch'a incòunter per él schèli la matèina, quand la va a fèr la spésa dal furnèr. La-m fèva di sorìs, sol ch'la me vdéssa, ch'a gh caschèva d'in bàcca la dintéra. I gìven ch'l'éra una professoressa ed bèli làttri, e a crád ch'a fóssa véra. 'Na vòlta ch'l'iva purtê al gat a fèr la péssa zò in dal curtìl, a gh rivê adrê e a gh cunté al fat, e lê la-m gé, cun un suspìr sutìl: «Mo' vuol che non 'ci facci' un piacerino a questo bel signor che mi diletta, 'venghi questa bassóra', per un bicchierino e insiem troviamo il 'cô della sgavetta'». Tótta cla mlèina la-m mité in suspèt, ma, dato ch'a-n savìva cuma fèr, anch, se per dirla s'cèta, a-m fèva efèt, a la bassóra a l'andé a catèr. A pèina dèinter, a resté a bàcca avérta: a gh' éra pianti e fiór in di cantòun, la tèvla éd ròba fina l'iva cuérta, e mè a dmandé: «Sé spósa un quelchidòun ?» ?". E lê la fé: «No.. oggi no, questa...è una finta», però, se lei volesse...in un domani..." «A-i-ho bèle capî, la-n dégga gninta» e a ciapé l'óss con tutte due le mani. Cla spoderèda, cal quèder da cusèina, sèinza ch'a-m spiéga tant, a î capî, l'éra persuèsa éd dèrem 'na manèina, ma in cambi... la zerchèva éd tôr marî. Così ho giurato éd stèr luntàn per sèimper da ogni cuncórs ch'i m'invidéss'n a fèr, i n'én che tràpli e mè a-n gh casch piò dèinter perchè son putto e pótt a vói restèr. ______________________________ SAN PÉDER ______________________________ Dal dè che dèintr'in césa i-m fén batzèr i giór'n i s'én cambiê in 'na móccia d'an e a-m sàmbra quèsi éd sèinter s'ciucarlèr él cèvi che San Péder al tin in man. L'è stê come s'al géssa: «A m'è in d'avìs ch'a sia gnû l'óra t'ét tógga d'in di pè». E mè: «I én sól i bòun ch'ét pòrt in Paradìs, dòunca éd sicùr té-n pô pensèr a mè». ...Zért che s'a fóssa óra éd vultèr galòun....! ...Ma no, égli én stòri che nisùn ascólta, l'è tótta fantasìa, l'è stèda un' impressiòun! «Sé..ma..cal s'ciucarlamèint, cusa srà-l stê?» «Ah!, al srà stê un baròz, éd quî 'd 'na vòlta, cun 'na róda imberlèda, in gìr per la zitê». ______________________________ INSÁNNI ______________________________ A-m sun sugnê stanòt d'éser destés in dl'érba, atach a un fòs da l'acqua cèra, cèra cum'a sé vdìva un tèimp. A gh' ìva i òc' in fassa e a parìva ch'a-n penséssa piò a gninta e piò a nisùn. E invéci in cal silèinzi ch'a gh' éra tótt dintóren a-m turnèva in memoria, pòch per vòlta, quall ch'éra stê e cl'éra ormài finî. E quall ch'a vlìva fèr e che, per pòca vóia o per fadìga, al s'éra cuért éd pólvra e po' svanî. E l'acqua cla saltèva in mèz ai sàs la parìva la vós d'un quelchidùn ch'a-m vrìva al lébber e al gìva: «Perchè cla vòlta là té-n n'è brisa vlû fèr...o dir... o t'è fat finta éd gninta...? Forsi perché a nisùn 'gh suvgnéssa de dmandèret un piaser o anch sol 'na parola bòuna? L'éra la tô manéra de scanzler't i pensér, i afán, i despiasér sèinza mai tgnir da còunt chi psiva anch sól 'na volta avér bisègn ed tè» E l'è sucès acsè che, quèsi sèinza adèrmen, a fèva svélt i còunt cun tótta la mê vétta. E i còunt, anch s'i sembrèven scrétt da 'na man ch'la termèva per l'etê, i descurìven cèr, e i gìven che quall ch'a ìva avû l'éra piò éd quall che, in cambi, a ìva dê. E po' a-m sun desdê, prèma cun un pensér éd cólpa e po' quèsi ridànd, perchè tótt quall che adèsa a-i-ho cuntê a-n n'éra stê gnint èter che un insànni. ...Ma ére-l stê dabòun sól un insànni? ______________________________ S' TÉ T' IMBÀT ______________________________ S'té t'imbàt 'na matèina apèina alvê, a guardèr al zél, dòp 'na giurnèda éd vèint, t'al vád pulî e lustrê come se i ànzel i avéssen sól finî éd spazèr la cà. Té-n catarév 'na nóvla gnanch s't'la paghéssa cun l'òr dal mand intér. E t'ét fér'm incantê a guardèr per aria quèsi ét vléssa dvintèr una pèrt éd cal zél cl'è éd sóvra a tè. Po' a langh a la giurnèda, un sóppi éd vèint al basta perché nóvli négri él s'amóccen a spurchèr cal pulî ch'a gh'éra préma. E alóra, a tèsta bàsa, ét tir éd lànga, pensànd che al bèl al dura pòch e gnint. S'té t'imbàt a pensèr a la tô vétta, a-n t'è ménga in d'avìs cla-n sia brìsa divérsa da cal zél? Infàti quand t'la guèrd, coi òc' d'un ragazól La-t pèr come 'na rósa apèina nèda. Ma al tèimp al córr e cun al tèimp, ch'a-n n'ha pietê éd nisùn, anch él rósi piò bèli él dvèinten pàsi e a-n rèsta èter che cazèrli via. S'té t'imbàt a pensèr a tótt sti quê, a-n n'è po' ménga al chès t'ét tira zò. In fin di còunt ch'al vláma o ch'al n'al vláma él strèdi éd tótt él dvèinten óna sól e per dedlè l'andrà a finìr che un gióren sumèr e dutór, a gh pasarám insám. ______________________________ AL MÊ PUTÈIN GABRIELE ______________________________ A gh'è un èlber in facia a la mê fnèstra cal s'asumìglia tant a nuèter dû : l' è come tè i gior'n éd premavéra, e come mè se invéci al pérd él fói. L'è drétt, slanzê, e quand l'è tótt fiurî, al pèr un pnèl per piturèr al zél. Ma in bas, a vin fóra da la téra dél raìsi arvuièdi e carghi éd móffa che-m fan pensèr a mè. Ma cus'impòrta s'a-m basta po' guardèret per descurdèrem d'éser quall ch'a sun e arvisèr'm a tè. E se 'na nóvla la cuàcia i mê pensér, 'na tô paròla, un saltèin, un rédder i én come al vèint ch'al spàza al temporèl. E s'a sun stóff, ma ét vô ch'a zóga tégh, a drézz subétt la tèsta cum'a fa la lusértla in premavéra. E quand tè-m córr incòuntra a braz avért, l'è come s'té-m dunéssa al mand intér. E se al tèimp al gh'ha sèimper 'na gran prèsia éd córrer via per mè al s'è fermê e a pòs sól dìret: «Grazie per tótt i an che t'm'è scanzlê d'adòs e per avérem fat cumpagn a tè». ______________________________ GHITANÈIN ______________________________ Ghitanèin l'éra un pòv'r umarèl ch'a-n gh'avìva né cà, né suldòun, al campèva a spés dla surèla, la Clorinda, inferméra in pensiòun. I gh' avìven tótt dû 'na tendèinza: la Clorinda i nómer dal lòt e Ghitàn al pasèva al sô tèimp a ciucèr al lambrósch a baslòt. 'Na basóra la fé la Clorinda: «Va a zughèrem al lòt, Ghitanèin, chè a gh' è i nómer e quist i én i sòld, dai mo' sgàget ch'a-n sèra al butghèin!» A pasé piò d'un més da cla vòlta che Ghitàn l'andé a fèr la zughèda. lò e la Clòri i éren sparî, chissà mai cuma l'éra po' andèda! 'Na matèina Ghitàn al s'fé váder, un òc' négher damàn dal carbòun, al gh'avìva la testa fasèda, e al girèva pugê a un bastòun. «Mo', Ghitàn, cus'ì-v fat? s'è sucès?». «Lasê stèr, a-n mé gìdi piò gninta, l'èter dè a casché per él schèl», ma a sé vdìva ch'al fèva per finta. E po' dòp, pian, pianèin, pòch per vòlta, a gné fóra la gran veritê: tótt i nómer dla Clòri i éren gnû, ma Ghitàn a-n n'i avìva zughê. Meint'r infàti ch'l'andèva al butghèin, l'éra stóff, l'ìva sê; n'agonìa, e per quast tótt i sòld dla surèla al li bvé a un tavlèin dl'ustarìa. Quand la Clori la gné a saver ch'a-n gh srév stê la sô vincita al lot la ciapé Ghitanèin per i straz e zò s'ciaf e stanghèdi e cazòt. L'al sbaté quindi fóra d'in cà e Ghitan, ch'a-n sembrèva piò lò, a-n capìva cus'l'ìva po' fat a sughèr 'na butìglia de piò. ______________________________ LA FARMACÉSTA ______________________________ Ghitanèin l'è inamurê ed 'na bèla farmacésta e, per finta, al s'dà malê per dmandèregh ch'al l'assésta: «Duturássa, a gh'ho al ferdór, la-n gh'avrév da dèrem quel? In d'un znòc' a gh'ho un dulór e anch la testa la-m fa mèl. Una fétta a gh'ho in dla schèina, la caviglia s' è inchiodata, per na spala birichèina, gh'ha-la ménga una pomata?» La fó pròunta la "sentenza": «Lei ha i guai di un centenario. Si rivolga, con urgenza, al signor veterinario». Acsè, còlt a la spruvésta, Ghitanèin, inviperî, al mulé la farmacésta perché ormai...l'era guarî. ______________________________ AL CAGNULÈIN ______________________________ Ghitanèin l'è inamurê ed 'na bianda dal térz pian che l'incòuntra la matèina quand la porta a spas al can. L'éra andèda, col sô can, l'èter dè a fer la spésa e l'è gnuda po' vers cà cun 'na sporta granda e pésa. Ghitanèin cal gh stèva adrê, vést ch'la gh'iva un gran tiròun, A gh gé: "Vole che ci aiuti A purter questo pridòun?". E Ghitan, fand finta ed gninta, in dal tant ch'al l'aiutèva, al caté la streda giósta e per pòch a-n l'abrazèva. Ma cherdánd la padrunzèina in pericol, al cagnátt al salté a musgher dedrê cl'infelìz ed Ghitanátt. E po' a s'vád ch'al gh ciapé góst coi musgòt sèimper piò pés, fin a quand il "latin lover" a-n fó a tèra langh destés. Bèin fasê come 'na mómmia, Ghitanèin l'è tótt un zigh; cal cagnátt avelenê l'è stê propia un gran castigh! Cus' in gi-v mo', i mê sgnór? Ste Ghitan l'è un birichèin e s'a-n gh'in va bèin gnanch óna, a la fin la gh sta po'bèin! ______________________________ LA RUNDANÈINA ______________________________ Un tèimp, quand da la fnestra a sé vdiva arivèr la premavéra, come scorta d'unór la gh'iva seimper un vól ed rundanèini inamurèdi; inamurèdi dal sol, dl'aria, dal mand, él sfrumblèven cuntèinti langh al zél, cun di zigh ricamê ed cuntintázza. Anch al poeta al s'arcurdé ed lor quand al canté: " Tornava una rondine al tetto...", ma qualla i la mazén, come a fam tótt nuèter al dè d'incô, quand a tratám a chèlz él blàzzi ch'a-i-am sèimper avû dintorna. La premavéra la seguita a turnèr, ma un po' trésta, un po' fradda e sculurìda, perché te, rundanèina, segh a brazátt, té-n s'vin piò a catèr. L'aria l'è pésa, pina spass ed calézna, bòuna a spurchèr perfin la lus dal sol, e al zél, la tô pésta da bal d'un èter tèimp, l'ha pérs la musica di tô zigh sèinza fin. Al nìi t'iv fat satta i cápp ed cà mia, l'è dvintê un mócc' ed paia priv ed vétta, e in un mánd che ormai a-n n'è piò al tuo, anca tè, come la rundanèina dal poeta, t'è cascheda tra i spin, e forsi te-n turnarê mai piò. ______________________________ LA LÓZLA ______________________________ Un prê che té-n sê brisa quant l'è grand, afughê in dal négher ed 'na nòt d'istê, e là in èlt él strall, ma tanti da pensèr a la fadìga che Nòster Sgnór l'ha fat perché él ghe stéssen tótti. E po' in cl'òrba, vistìda da un silèinzi apèina rátt da un curt suspìr ed vèint, a sèlta fóra 'na laghermèina ed lus cla va dedzà e dedlà, sèinza fermères mai, come s'l'avéssa un quèl da fèr urgèint, subét, in prèsia. L'è la fióla piò cina dél nòti quand l'è chèld, la lózla, cla pòrta in gir al sô lumèin fòrsi per dèr curàg' a chi al gh ha sól i sô pensér a fèregh cumpagnia. Guardàndla, a gnarév quèsi vóia de dmandèregh: "Cum'è-la che t'impìi la tô lusèina? Dróv-et un fulminànt, o aspèt-et che 'na stralla, ed quilli lassó in zél, la-t dòuna la sô lus, al sô splendór? Tè té n'al sê ma l'éser chè in dla nòt al gh' ha la sô importanza. T'é come un pcòun ed vètta cla-n vól fermères mai e, sèinza ed tè, forsi él zighèli él cantaréven méno e anch i gréll, inspavintê da l'orba, i-n saltaréven piò. ______________________________

______________________________ DUE CAMERE E CUCINA ______________________________ Ci son giorni Papà in cui rammento quando con tutti noi eri quaggiù, e stavamo un pò stretti in un appartamento di due stanze e cucina e ...niente più. Erano rari i giorni in cui tu c'eri per la tua fretta di correr sempre via e ciò mi rattristava, pur sapendo che avevi un sol pensier: la tua famiglia. Ora che sei scomparso dietro l'estrema svolta, sempre più spesso torni qui a trovarmi e vorrei pregar Dio, se mai mi ascolta, perchè tutti potessimo tornare in quelle due camere e cucina di una volta dove ogni giorno ti stavo ad aspettare. ______________________________ VORREI ______________________________ Vorrei essere ancora contento come ero contento una volta, quando un niente da bimbo bastava per non chiedere altro di più. Vorrei essere ancora contento come gli astri che ornano il cielo, come l'acqua che canta nei rivi e il silenzio che vive di notte. Ma non grazia l'ingiuria del tempo che travolge anche ciò che si ama: le speranze, i ricordi, i successi, le amicizie, l'amor, le illusioni. Se poi guardo un istante all'indietro non ved'altro che l'ombre dei giorni ch'eran belli e che or si dissolvon come sabbia che sfugge alle mani. E "Vorrei essere ancora contento" sono solo parole nascoste nello scrigno dei gran desideri che s'è chiuso e non s'apre mai più. ______________________________ ESTATE ______________________________ Un pomeriggio d'estate Con un gran sole e caldo. Per la strada nessuno a guastare il silenzio d'un mondo abbandonato. Le finestre serrate per l'afa soffocante, nascondon chi non vuol vedere né sentir più niente. L'ombra svogliata, che a stento s' intravvede, macchia i muri senza portare il fresco di una lontana primavera. E poi giunge la sera e l'ombra non è più una macchia, ma un nero tabarro che copre il caldo e i pensieri del giorno che è finito. ______________________________ SAREBBE BELLO ______________________________ Ci son giorni in cui penso come sarebbe bello alzarsi la mattina senza un pensiero in testa. E sentire il vento fischiar tra gli alberi appena tinti dal verde della primavera. E vedere un bambino ridere ai baci della mamma. E guardare un volo d'uccelli, ubriachi di libertà, sfrecciare lungo il cielo. E nascondersi nell'illusione che la felicità non possa finir mai. Sarebbe bello aver voglia di giocare come una volta, di voler bene, e fidarsi del mondo e risentir d'intorno la musica dei sogni ormai finiti. Sarebbe bello, quasi un miracolo, se quello che ora ho detto non fosse solo favola, figlia di fantasie, ma una briciola, leggera come un sospiro, una briciola di realtà. ______________________________ HO ACCOSTATO LE PERSIANE (Mi son chiuso in me stesso) ______________________________ Ho socchiuso le persiane della vita mia e dal sipario d'ombra, intorno a me calato, son scaturiti i fantasmi d'un'età lontana a ricordarmi ciò ch'è ormai passato. Gli amici d'una volta mi son venuti incontro con la solita voglia d'allegria, in compagnia di altri ch' or sono a passeggiar pei giardini d'un mondo che non si sa ove sia. Un po' più in là, in un canto, senza dir nulla, c'era anche quella di una dolce storia ch'io pensai d'ignorar senza rimpianti e che invece, ben salda, è qui nei miei ricordi. E poi i miei vecchi, ancora uguali a quando abitavamo in "due camere e cucina e poi nient'altro", ma che pareano un vero paradiso, fatto apposta soltanto per noialtri. Ma a che vale pensar a ciò che più non torna? non sarìa meglio cancellare i ricordi e nascondersi nell'illusione che qualcosa di bello, di nuovo, di misterioso possa accadere ancora? E accontentarsi della fragilità di un sogno che svanisce qual nebbia all'accennar del sole, lasciando che la scopa magica del tempo spazzi via in fretta tutto ciò che vuole? Sarebbe come nascere di nuovo e vivere un'esistenza fatta di fantasia, inutil da cercare; ed è per questo che ho accostato le persiane di questa vita mia. ______________________________ LO SCAPOLO ______________________________ Una mattina d'un giorno che pioveva, mentre il caffè mi stavo preparando, m'arrivò una missiva che diceva in quattro righe quanto andrò narrando: «Informiamo la Vostra Signorìa che ci sarà un concorso dialettale. 'Ci scrivi' dunque una 'povesìa' di sentimento e con un bel finale». Scrivere poesie? Ma qui si scherza ! È questa una battuta da mercato ! Io che ho penato anche a far la terza, per quanto fossi ben raccomandato. E non so cosa poi mi capitasse. Fu come un tarlo che mi 'rodette' dentro e dissi: «Se qualcuno mi aiutasse, potrebbe darsi che facessi centro». Abita sott' a me una signorina, piuttosto stagionata, ad esser chiaro, che incontro per le scale la mattina, quando va a far la spesa dal fornaio. Eran sorrisi quando mi vedeva, da farle uscir di bocca la dentiera. si diceva che lettere insegnasse, e credo la notizia fosse vera. Un dì ch'avea colei menato il gatto ad orinar nel mezzo del cortile, le giunsi appresso e le parlai del fatto; e lei rispose con un sospir sottile : «Mo' vuol che non 'ci facci' un piacerino a questo bel signor che mi diletta, 'venghi questa bassóra', per un bicchierino e insiem troviamo il 'cô della sgavetta'». Quel sospiroso tono m'originò sospetto, ma, poiché non sapevo come fare, anche se a dirla chiara, mi faceva effetto, nel pomeriggio l'andai a visitare. Appena entrato, rimasi a bocca aperta: c'era di piante e fiori un patrimonio, di leccornìe la mensa era coperta, tanto che domandai se c'era un matrimonio. Ella così rispose: «Oggi no, questa è illusione, però, se lei volesse...in un domani...» «Ho già capito, taccia la sua intenzione!» e presi l'uscio con tutte due le mani. La spudorata, la zitella infame, senza ch'io spieghi, ormai s'è ben capito, avrebbe assecondato le mie brame, ma in cambio andava in cerca d'un marito. Così ho giurato di stare molto attento, tutti i concorsi sono da evitare: non son che trappole e non ci casco dentro perchè son single e single vò restare. ______________________________ SAN PIETRO ______________________________ Da quando fui in chiesa battezzato, i giorni son mutati in tanti anni e parmi quasi d'udire tintinnare le chiavi che San Pietro tiene in mano. È stato come se dicesse: «Credo Che sia venuta l'ora di togliere l'incomodo». E io: «Son solo i buoni che porti in Paradiso, dunque è sicuro che non pensi a me». ...Certo che se foss'ora di partir da qui...! ...Suvvia son storie che nessuno ascolta, è tutta fantasia, è solo un'impressione. «Ma..quel rumór di ferri che sarà poi stato?» «Ah!, certo un biroccio, di quelli di una volta, con 'na ruota malconcia, in giro per città». ______________________________ UN SOGNO ______________________________ Ho sognato stanotte d'esser steso tra l'erba nei pressi d'un fossato dall'acqua così chiara come da tempo più non si vedeva. Socchiusi avevo gli occhi e mi pareva di non pensar più a niente e più a nessuno. E invece in quel silenzio che v'era tutt'attorno mi tornava alla mente, poco a poco, quel ch'era stato e ch'era ormai finito. E quel ch'avevo in animo di fare e che, per poca voglia o per fatica, s'era di tanta polvere coperto e infine poi dissolto. E l'acqua che saltava in mezzo ai sassi la voce mi sembrava di qualcuno che in tono di rimprovero chiedeva: «Perché quella volta non hai voluto fare...o dire... o ti sei negato, così che a nessuno sovvenisse di chiederti un favore, o anche solo una parola buona? Era il tuo modo di cancellarti i pensieri, gli affanni, i dispiaceri senza tener mai conto di chi poteva, seppur per una volta, chiederti aiuto». Ed è così successo che, quasi senza accorgermi, lesto facevo i conti con tutta la mia vita. E i conti, pur se parevan scritti da una mano tremante per l'età, parlavan molto chiaro e dicevan che quel che avevo avuto era assai più di quanto, in cambio,avevo dato. E poi mi son svegliato, dapprima come oppresso dalla colpa e poi quasi ridendo, perchè tutto quello che adesso ho raccontato null'altro era stato che un sogno passeggero. ...Ma..davvero era stato solamente un sogno? ______________________________ SE TI CAPITA ______________________________ Se ti capita un mattino appena alzato di guardare il cielo,dopo un giorno di vento, lo vedi terso e levigato come se gli angeli avessero sol finito di riordinare in casa. Non troveresti nuvole pur se le pagassi con tutto l'oro che si trova al mondo, e ti fermi incantato a guardare in alto quasi volessi diventare una parte del ciel che ti sovrasta. Poi, trascorrendo il giorno, un alito di vento può bastare perché nuvole nere si accavallino, sporcando quel nitor che prima v'era. E allora, curvo, prosegui il tuo cammino, pensando al permanere effimero del bello. Se ti capita di pensare alla tua vita, non hai forse certezza ch'essa non sia diversa da quel cielo? Se infatti la guardi con occhi di bambino La ravvisi a una rosa appena nata. Ma il tempo corre e col tempo, avaro di pietà verso chiunque, sfioriscono pur le più belle rose e non rest'altro che buttarle via. Se ti capita di pensare a tutto questo, non è poi il caso di perder l'allegria. Dopotutto, in qualsivoglia caso, le nostre strade diventano una sola, ed è certo per quella che, un giorno, asini o dottori passeremo insieme ______________________________ AL MIO BAMBINO GABRIELE ______________________________ Si vede un albero dalla mia finestra che l'immagine sembra di noi due: è come te nei dì di primavera, ma al cader delle foglie rassomiglia a me. È dritto, slanciato, e quando è in fiore sembra un pennello per colorare il cielo. Ma in basso, escon dalla terra radici contorte ed ammuffite che fan pensare a me. Ma cosa importa, se mi basta guardarti per scordarmi di essere quel che sono e illudermi di esser come te. E se una nuvola oscura i miei pensieri, una parola, un saltello, il tuo sorriso son come il vento che fuga il temporale. E se son stanco, ma vuoi che giochi teco, alzo tosto la testa, come lucertola al giunger dell'aprile. E quando corri a braccia aperte ad incontrarmi è come se in regalo mi dessi il mondo intero. E se il tempo ha sempre una gran fretta di correr via, per me si è fermato, e posso solo dirti: «Grazie per gli anni che mi hai cancellato, e per avermi fatto uguale a te». ______________________________ GAETANINO ______________________________ Gaetanino era un povero ometto Senza casa, e non stipendiato, suo sostegno era sol la sorella, la Clorinda, infermiera in passato. I fratelli eran molto portati: la Clorinda pel gioco del lotto mentre Ghitti passava il suo tempo a succhiar di lambrusco ogni gotto. Un meriggio, Clorinda gli disse: «Gioca al lotto per me, Gaetano, questi i numeri e questo il denaro, chiude il banco, fa in fretta, è lontano!». Oltre un mese passò da quel dì che andò Ghitti a far la giocata. Lui e la Clori parevan svaniti, quale storia era a lor capitata! Un mattin Gaetano riapparve, nero un occhio al par del carbone, tutto il cranio aveva bendato, e giravava appoggiato a un bastone. «Gaetano che mai v'è accaduto?» «Oh tacete!» E poi, mentre partiva: «Dalle scale ier l'altro cascai», ma era chiaro che Ghitti mentiva. Ed in seguito, poco per volta, la versione fu infine aggiornata: la cinquina di Clori era uscita, ma il fratel non l'aveva giocata. Mentre, infatti, al banco s'avviava, era stanco, una vera agonia, e per questo i quattrin della Clori affogaron nel vin d'osteria. Quando Clori imparò, indignata, che la vincita era svanita, afferrò Gaetanin con violenza, percuotendolo, quasi impazzita. Lo cacciò quindi fuori di casa e il buon Ghitti, d'aspetto mutato, non capiva che aveva poi fatto per quel vino di più trangugiato. ______________________________ LA FARMACISTA ______________________________ Gaetanino è innamorato di una bella farmacista e, fingendosi ammalato, le domanda che l'assista: «Dottoressa ho il raffreddore, ce l'avrà un medicinale? Nel ginocchio ho un gran dolore, pur la testa mi fa male Una fitta ho nella schiena, la caviglia s'è inchiodata per la spalla birichina non avrebbe una pomata? Fu immediata la "sentenza": «Lei ha i guai di un centenario. Si rivolga, con urgenza, al signor veterinario». Così, preso alla sprovvista, Gaetanino, inviperito, lasciò allor la farmacista perché ormai...era guarito. ______________________________ IL CAGNOLINO ______________________________ Gaetanino è innamorato di una bionda coinquilina che incontr' ogni mattina quando porta a spasso il can. Era andata col suo cane l'altro giorno a far la spesa e veniva verso casa con 'na grande sporta pesa. Gaetanin che la seguiva, a colei che avea il fiatone, offrì tosto un pronto aiuto a portare quel pietrone. Poi fingendo noncuranza, pur mostrando d'aiutarla, infilata la via giusta, quasi giunse ad abbracciarla. Ma credendo la padrona in pericolo, il cagnetto saltò a mordere di dietro l'infelice Ghitanetto. E di certo soddisfatto, il suo morder fu più peso fino a quando il "latin lover" non fu a terra lungo steso. Quale mummia, ben fasciato, Gaetanin è un sol lamento; quel cagnetto avvelenato fu davvero un gran tormento! Che ne dite, miei signori? Gaetano è un gran briccone e se tutto gli va storto a la fin gli sta benone! ______________________________ LA RONDINELLA ______________________________ Un tempo, allor che dalla mia finestra si vedeva arrivar la primavera, quale scorta d'onor aveva sempre un volar di rondinelle innamorate; innamorate del sole, dell'aria, del mondo, sfrecciavano contente lungo il cielo con stridìi ricamati d'allegrezza. Anche il poeta, ebbe di lor memoria quando cantò: "Tornava una rondine al tetto..."; ma l'uccisero quella, come facciam noi tutti quando avvolgiam di spregio le bellezze che avemmo ognor dintorno. La primavera seguita a tornare, ma un po' triste, un po' fredda e scolorita, perché tu, rondinella, al suo braccio, non vieni più a trovarci. Greve è l'aria, avvolta sovente di foschìa, capace di sporcar anche del sol la luce, e il cielo,la tua pista da ballo d'altri tempi perse la musica dei tuoi lunghi stridìi. Il nido costruito sotto il mio tetto, or non è più che paglia senza vita, e in un mondo che ormai non è più il tuo, anche tu, come la rondinella del poeta, tra spine sei caduta, e forse non tornerai mai più. ______________________________ LA LUCCIOLA ______________________________ Un prato che non sai quant'è grande, affogato nel nero di una notte d'estate, e là in alto le stelle, ma tante da pensare alla fatica che il Signor Nostro ha fatto perché ci stesser tutte. E poi in quel buio, vestito da un silenzio appena rotto da un fugace sospir di vento emerge una lacrima di luce che va di qua e di là senza fermarsi mai come se avesse un qualcosa da fare urgente, subito, in fretta. È la figlia più piccola delle notti quand'è caldo, la lucciola che porta in giro il lumicino forse per dar coraggio a chi ha solo i suoi pensieri a fargli compagnia. Guardandola, verrebbe quasi voglia di domandarle: "Com'è che accendi la tua lucina? Adoperi un fiammifero, o aspetti che una stella, di quelle lassù in cielo, ti doni la sua luce, il suo splendore? Tu non lo sai, ma esser qui di notte è importante. Sei come una briciola di vita che non s'arresta mai e, senza te, forse le cicale canterebber meno e anche i grilli, dal buio spaventati, non salterebber più. ______________________________